Back to Home
ഹോം മെഡിക്കല്‍ എക്യുപ്മെന്‍റ് ആന്‍ഡ് സര്‍വീസസ് ബോര്‍ഡ് അംഗമായി സനീഷ് ജോര്‍ജ് നിയമിതനായി
ചിക്കാഗോ: ഇല്ലിനോയി ഡിപ്പാര്‍ട്ട്മെന്‍റ് ഓഫ് ഫിനാന്‍ഷ്യല്‍ ആന്‍ഡ് പ്രൊഫഷണല്‍ റെഗുലേഷന്‍ ഏജന്‍സിയുടെ കീഴിലുള്ള ഹോം മെഡിക്കല്‍ എക്യുപ്മെന്‍റ് ആന്‍ഡ് സര്‍വീസസ് ബോര്‍ഡ് അംഗമായി സനീഷ് ജോര്‍ജിനെ നാമനിര്‍ദേശം ചെയ്തു.
സ്വകാര്യ വസതികളിലേക്ക് വൈദ്യോപകരണങ്ങള്‍ വിതരണം ചെയ്യുന്ന സ്ഥാപനങ്ങളുടെ മേല്‍നോട്ടത്തില്‍ സഹായിക്കുന്ന ബോര്‍ഡാണിത്. സ്വകാര്യ വസതികളില്‍ മെഡിക്കല്‍ ഉപകരണങ്ങള്‍ വിതരണം ചെയ്യുകയും സേവനം നല്‍കുകയും ചെയ്യുന്ന സ്ഥാപനങ്ങള്‍ക്ക് ലൈസന്‍സ് നല്‍കുക, അവയുടെ പ്രവര്‍ത്തനങ്ങള്‍ നിയന്ത്രിക്കുക, പ്രൊഫഷണല്‍ മാനദണ്ഡങ്ങള്‍ നിശ്ചയിക്കുക എന്നിവയാണ് ഐഡിഎഫ്പിആറിന്‍റെ ഹോം മെഡിക്കല്‍ എക്യുപ്മെന്‍റ് ആന്‍ഡ് സര്‍വീസസ് ബോര്‍ഡിന്‍റെ പ്രധാന ഉത്തരവാദിത്തങ്ങള്‍.
കഴിഞ്ഞ ടേമില്‍ ഐഡിഎഫ്പിആറിന്‍റെ അംഗമായി പ്രവര്‍ത്തിച്ച സനീഷ് ജോര്‍ജ് നിലവില്‍ ഐഡിഎഫ്പിആര്‍ ബോര്‍ഡ് അംഗമായും വെബ് മാസ്റ്ററായും പ്രവര്‍ത്തിക്കുന്നു. കൂടാതെ, മാര്‍ക് മിഡ്വെസ്റ്റിന്‍റെ മുന്‍ സെക്രട്ടറിയായും എജ്യുക്കേഷണല്‍ കോര്‍ഡിനേറ്ററായും സേവനമനുഷ്ഠിച്ചിട്ടണ്ട്.
