Times of American Malayali
Back to Home
വാഷിങ്ങ്ടണ്‍ ഡിസി: സെപ്തംബര്‍ 25 വെള്ളിയാഴ്ച മുതല്‍ 27 ഞായറാഴ്ച വരെ വാഷിങ്ങ്ടണ്‍ ഡിസി. ഏരിയായില്‍ നടന്ന ത്രിദിന റീജണല്‍ കണ്‍വെന്‍ഷന്‍ സമാപിച്ചു. വെര്‍ജീനിയയിലെ ലീസ്ബര്‍ഗ് കാരഡോക് ഹാള്‍ ഹോട്ടലില്‍ ആണ് സമ്മേളനം നടന്നത്.
ഈയിടെ അന്തരിച്ച, ലാനയുടെ ആദ്യകാല ഭാരവാഹികളിലൊരാളും പ്രശസ്ത സാഹിത്യകാരനുമായ ജോര്‍ജ് മണ്ണിക്കരോട്ടിനോടുള്ള ആദരസൂചകമായി ജോര്‍ജ് മണ്ണിക്കരോട്ട് നഗര്‍ എന്ന് സമ്മേളനവേദിക്ക് പേരിട്ടിരിക്കുന്നു.
സമകാലീക മലയാള എഴുത്തുകാരില്‍ മുന്‍നിരയിലുള്ള, പ്രഗത്ഭ കഥാകൃത്ത് സക്കറിയ, നോവലിസ്റ്റ് വി. ജെ. ജെയിംസ്, പ്രശസ്ത എഴുത്തുകാരിയും അധ്യാപികയുമായ ഡോ. അനിത നഹാല്‍ എന്നിവരാണ് നേതൃത്വം നല്‍കിയത്.
ലാനയുടെ ചരിത്രത്തിലാദ്യമായിട്ടാണ് അമേരിക്കന്‍ തലസ്ഥാന നഗരിയില്‍ കണ്‍വെന്‍ഷന്‍ നടന്നത്.
പല പ്രത്യേകതകളും നിറഞ്ഞ ഒരു കണ്‍വെന്‍ഷനായിരുന്നു നടന്നത്. പ്രകൃതിയും സംവിധാനവും അനിവാര്യതയും എല്ലാം കൂടിക്കുഴഞ്ഞു നടനമാടിയ ഒരുത്സവം. ലാന മെമ്പര്‍മാരുടെയും സാഹിത്യ സ്നേഹികളുടെയും സുഹൃത്തുക്കളുടെയും ബൃഹത്തായ പങ്കാളിത്തം പ്രത്യേകം ശ്രദ്ധേയമായിരുന്നു.
ഇതിലെ ശ്രദ്ധേയമായ മറ്റൊരു കാര്യം പ്രശസ്ത എഴുത്തുകാരിയും അധ്യാപികയുമായ ഡോ. അനിത നഹാല്‍ നയിച്ച ഇംഗ്ലീഷ് സെഷനായിരുന്നു. സാഹിത്യതല്പരതയുള്ള നമ്മുടെ യുവതലമുറയെ ആകര്‍ഷിക്കാന്‍, ആ വഴിയില്‍ വേണ്ട മാര്‍ഗനിര്‍ദ്ദേശങ്ങള്‍ നല്‍കാന്‍ ഈ ക്ളാസ് സഹായിച്ചു.
കഥാകൃത്ത് പോള്‍ സക്കറിയ കണ്‍വെന്‍ഷന്‍ ഉദ്ഘാടനം ചെയ്തു. തുടര്‍ന്ന് നോവലിസ്റ്റ് വി. ജെ.ജെയിംസ് څനിരീശ്വരതയിലെ ആത്മീയതچഎന്ന വിഷയത്തില്‍ മുഖ്യ പ്രഭാഷണം നടത്തി. തുടര്‍ന്ന് ലാനാ ഭാരവാഹികളും മുന്‍ പ്രസിഡന്‍റുമാരും ആശംസകള്‍ നേര്‍ന്നു.
ദേവകി പുല്ലാഞ്ഞോടന്‍ വിശ്വദര്‍ശനം എന്ന കവിത ചൊല്ലി. അത്താഴശേഷം നടന്ന കവിതാ പാനല്‍ ചര്‍ച്ചയില്‍ ജയന്‍ കെ. സി., സന്തോഷ് പാലാ, തെരേസ ടോം, രാജു തോമസ്, ഉഷാ നായര്‍, ഉമാ രവീന്ദ്രന്‍ എന്നിവര്‍ സംസാരിച്ചു. വായനക്കാരന്‍ മാറുമ്പോള്‍ കവിതയും മാറുന്നുണ്ടോچഎന്നതായിരുന്നു വിഷയം. മഹാകവി ജി ശങ്കരക്കുറുപ്പിന്‍റെ കവിത വിശ്വദര്‍ശനം ആലപിച്ചുകൊണ്ട് കവിതാസായാഹ്നം അരങ്ങേറി. തുടര്‍ന്നുള്ള കാവ്യനിശയില്‍ ലാനയിലെ അംഗങ്ങള്‍ തങ്ങളുടെ കവിതകള്‍ ചൊല്ലി.
ശനിയാഴ്ച്ച രാവിലെ 9ന് ജോര്‍ജ് മണ്ണിക്കരോട്ടിനെ അനുസ്മരിച്ച് മീനു എലിസബത്തും, പി.ടി.പൗലോസിനെ അനുസ്മരിച്ച് രാജു തോമസും സംസാരിച്ചു.
ചെറുകഥാ സെഷനില്‍ കഥാകൃത്ത് പോള്‍ സക്കറിയ ആമുഖ പ്രഭാഷണം നടത്തി. ലാനയിലെ അംഗങ്ങള്‍ സമര്‍പ്പിച്ചിരുന്ന കഥകള്‍ വായിച്ച് വി.ജെ. ജെയിംസ് വിലയിരുത്തി. പാനല്‍ ചര്‍ച്ചയില്‍څകുടിയേറ്റ ഭൂമിയിലെ കഥകളുടെ പരിണാമംچഎന്ന വിഷയത്തില്‍ അനിലന്‍ ശ്രീനിവാസന്‍, ഫിലിപ്പ് തോമസ്, കെ.വി. പ്രവീണ്‍, റഫീഖ് തറയില്‍, രാജേഷ് തെക്കന്‍മാര്‍, ഷാജു ജോണ്‍, ദിവ്യ മേനോന്‍ എന്നിവര്‍ സംസാരിച്ചു.
മലയാള നോവല്‍ കേരളത്തിനപ്പുറംچഎന്ന വിഷയം ഷീല എം. പി., മനോഹര്‍ തോമസ്, ജോണ്‍ ഇളമത, സാംസി കൊടുമണ്‍, ബാജി ഓടംവേലി, അബ്ദുള്‍ പുന്നയൂര്‍ക്കുളം, അശോക് കുമാര്‍, അഭിനാഷ് തുണ്ടുമണ്ണില്‍ എന്നിവര്‍ ചര്‍ച്ചയില്‍ പങ്കെടുത്തു സംസാരിച്ചു.
നമ്മുടെ രണ്ടാം തലമുറയെക്കൂടി ഉള്‍പ്പെടുത്താന്‍, സാഹിത്യ തല്‍പ്പരരായ കുട്ടികള്‍ക്ക് പ്രോത്സാഹനവും, മാര്‍ഗനിര്‍ദേശവും നല്‍കാന്‍ സഹായകമാകുന്ന, ലാനയെ ഒരു പുതു ദിശയിലേക്കു നയിക്കുന്ന ഇംഗ്ലീഷ് സെഷന്‍ ആയിരുന്നു. എഴുത്തുകാരിയും അദ്ധ്യാപികയുമായ ഡോ. അനിത നഹാല്‍ നയിച്ച ചര്‍ച്ചയില്‍ 25 കുട്ടികള്‍ പങ്കെടുത്തു. കുട്ടികള്‍ക്കൊപ്പം മാതാപിതാക്കളും പങ്കെടുത്ത ഈ സെഷന്‍ ലാനയുടെ ദീര്‍ഘ വീക്ഷണത്തിന്‍റെ മുന്നോടിയാണ്. ഇവിടെ ഭാഷയും സാഹിത്യവും ഒപ്പം തലമുറകളെയും സമന്വയിപ്പിക്കാനുള്ള ഒരു മാര്‍ഗമാണിത്.
ഹാസ്യസാഹിത്യ ചര്‍ച്ചയ്ക്കും ചിരിയരങ്ങിനും രാജു മൈലപ്ര, ജയന്ത് കാമിച്ചേരില്‍, ജോണ്‍ ഇളമത, സന്തോഷ് പിള്ള എന്നിവര്‍ നേതൃത്വം നല്‍ കി.
നാല് മലയാളം പുസ്തകങ്ങളുടെയും മൂന്ന് ഇംഗ്ളീഷ് പുസ്തകങ്ങളുടെയും പ്രകാശനം സമ്മേളനത്തില്‍ നടന്നു. ഈ വര്‍ഷം പ്രസിദ്ധീകരിച്ച ലാന അംഗങ്ങളുടെ ആറു പുസ്തകങ്ങള്‍ സമ്മേളനത്തില്‍ വിശദമായി പരിചയപ്പെടുത്തി. അമേരിക്കയിലെ മലയാളം എഴുത്തുകാരുടെ പുസ്തകങ്ങളുടെ വിപുലമായ ശേഖരമുള്ള സഞ്ചരിക്കുന്ന ലൈബ്രറിയുടെ പുസ്തക പ്രദര്‍ശനവും സമ്മേളന ഹാളില്‍ ഉണ്ടായിരുന്നു.
കേരള ലിറ്റററി സൊസൈറ്റിയുടെ മനയില്‍ ജേക്കബ് കവിതാ പുരസ്കാരം റഹിമാബി മൊയ്തിനും, എബ്രഹാം തെക്കേമുറി കഥാപുരസ്കാരം അനിലാല്‍ ശ്രീനിവാസനും, കെ.എല്‍.എസ് പ്രത്യേകജൂറി കഥാപുരസ്കാരം ദിവ്യ മേനോനും സമ്മേളനത്തില്‍ വെച്ച് സമ്മാനിച്ചു.
പി.സി നായര്‍, നീന പനയ്ക്കല്‍, സലിന്‍ ശങ്കര്‍ എന്നിവരെ സമാപന സമ്മേളനത്തില്‍ പൊന്നാട അണിയിച്ച് ആദരിച്ചു. ഉദ്ഘാടനസമ്മേളനത്തിലും സമാപന സമ്മേളനത്തിലും എഴുത്തുകാരി സിനി പണിക്കര്‍ അവതാരകയായിരുന്നു.
ശനിയാഴ്ച വൈകിട്ട് നടന്ന കലാസന്ധ്യയില്‍ അപര്‍ണ പണിക്കര്‍ ലളിതഗാനം ആലപിച്ചു. ഗീതു നിര്‍മ്മലും സംഘവും നാടകഗാനാവിഷ്കാരം നടത്തി. പ്രവീണ്‍ കുമാര്‍, സന്തോഷ് തുരുത്തി, വിജില്‍ ബോസ് എന്നിവര്‍ ചേര്‍ന്ന്څതീന്‍ മേശയിലെ ദുരന്തംچഎന്ന നാടകം അവതരിപ്പിച്ചു.
27 ഞായറാഴ്ച നടന്ന ലാന പൊതുയോഗത്തില്‍ സെക്രട്ടറി നിര്‍മ്മല ജോസഫ് ലാനയുടെ വാര്‍ഷിക റിപ്പോര്‍ട്ടും ട്രഷറര്‍ ഹരിദാസ് തങ്കപ്പന്‍ വരവ് ചെലവ് കണക്കും അവതരിപ്പിച്ചു. അടുത്ത വര്‍ഷത്തെ ലാന ദൈവാര്‍ഷിക സമ്മേളനം ന്യൂയോര്‍ക്കില്‍ നടത്താന്‍ തീരുമാനിച്ചു.
എഴുത്തുകാരന്‍ വേണുഗോപാലന്‍ കൊക്കോടന്‍(കണ്‍വെന്‍ഷന്‍ കമ്മറ്റി ചെയര്‍മാന്‍), ഷിനോ കുര്യന്‍ (കണ്‍വെന്‍ഷന്‍ കമ്മറ്റി കണ്‍വീനര്‍) എന്നിവരുടെ നേതൃത്വത്തിലുള്ള ലാന റീജണല്‍ കണ്‍വെന്‍ഷന്‍ കമ്മറ്റി പ്രവര്‍ത്തനങ്ങള്‍ക്ക് നേതൃത്വം കൊടുത്തു.
കൂടുതല്‍ വിവരങ്ങള്‍ക്ക്: സാമുവേല്‍ യോഹന്നാനി (പ്രസിഡന്‍റ് +1 214 435 0124) നിര്‍മ്മല ജോസഫ് (സെക്രട്ടറി +1 347 204 0062).
