Times of American Malayali
Back to Home
ന്യൂയോര്‍ക്ക്: സമൂഹനന്മക്കുവേണ്ടി പ്രവര്‍ത്തിക്കുന്നവരും പ്രവര്‍ത്തന മേഖലകളില്‍ പ്രതിഭ തെളിയിച്ചവരുമായ എട്ട് ഇന്ത്യന്‍ അമേരിക്കന്‍ മലയാളികളെ കേരള സെന്‍റര്‍ അവാര്‍ഡ് നല്‍കി ആദരിക്കുന്നു.
ഒക്ടോബര്‍ 24ന് 5ന് കേരള സെന്‍റര്‍ ഓഡിറ്റോറിയത്തില്‍ നടക്കുന്ന മുപ്പത്തിനാലാമത് വാര്‍ഷിക അവാര്‍ഡ് ദാന ചടങ്ങില്‍വച്ച് ഇവരെ ആദരിക്കും. അമേരിക്കയിലെയും കേരളത്തിലെയും സാമൂഹ്യസാംസ്കാരികڋരാഷ്ട്രീയ നേതാക്കള്‍ ഈ അവാര്‍ഡ് ദാന ചടങ്ങില്‍ പങ്കെടുക്കും.
പ്രഗല്‍ഭരും സമൂഹനന്മക്കുവേണ്ടി പ്രവര്‍ത്തിക്കുന്നവരുമായ അമേരിക്കന്‍ മലയാളികളെ കേരള സെന്‍റര്‍ 1992 മുതല്‍ ആദരിച്ചുവരുന്നു. എല്ലാ വര്‍ഷവും അവാര്‍ഡ് നോമിനികളെ ക്ഷണിക്കുകയും അവരില്‍നിന്ന് അവാര്‍ഡ് സെലക്ഷന്‍ കമ്മിറ്റി എതിരില്ലാതെ തെരഞ്ഞെടുത്തതെന്ന് കേരള സെന്‍റര്‍ ട്രസ്റ്റി ബോര്‍ഡ് ചെയര്‍മാനും അവാര്‍ഡ് കമ്മിറ്റി മെമ്പറുമായ ഡോ. തോമസ് എബ്രഹാം, ചെയര്‍മാനായ ഡോ. മധു ഭാസ്കരന്‍ എന്നിവര്‍ പറഞ്ഞു.
വര്‍ക്കി ഏബ്രഹാം, ഡെയ്സി പി. സ്റ്റീഫന്‍, ഡോ. മേരിലിന്‍ ജോര്‍ജ് എന്നിവരായിരുന്നു മറ്റു അവാര്‍ഡ് കമ്മിറ്റി അംഗങ്ങള്‍.
ലെജിസ്ലേറ്റര്‍ ആനന്ത് നമ്പ്യാര്‍ (രാഷ്ട്രീയ നേതൃത്വം ആന്‍റ് മുഖ്യ പ്രഭാഷകന്‍), ഡോ. ജോ വര്‍ഗീസ് (വൈദ്യശാസ്ത്രം), ഡോ.ബീന എസ്. പീറ്റേഴ്സ് (നഴ്സിംഗ് നേതൃത്വം), ഡോ.ഗിരീഷ് കുമാര്‍ പണിക്കര്‍ (അപ്ലൈഡ് സയന്‍സ്), ടി. എസ്. നന്ദകുമാര്‍ (പെര്‍ഫോമിംഗ് ആര്‍ട്സ്), സിബി ഡേവിഡ് (കമ്മ്യൂണിറ്റി സര്‍വീസ്), പ്രിന്‍സ് ജോണ്‍സണ്‍ (വിദ്യാഭ്യാസം), ജോസ് ചെരിപുറംڊ(പ്രവാസി മലയാള സാഹിത്യം) എന്നിവരാണ് അവാര്‍ഡിന് അര്‍ഹരായവര്‍.
കൂടുതല്‍ വിവരങ്ങള്‍ക്ക് ബന്ധപ്പെടുക: അലക്സ് കെ. എസ്തപ്പാന്‍, പ്രസിഡന്‍റ് 516 503 9387, രാജു തോമസ്, സെക്രട്ടറി 516 434 0669
