Times of American Malayali
Back to Home
ഫിലഡല്ഫിയ: ഫിലഡല്ഫിയ അന്താരാഷ്ട്ര വിമാനത്താവളത്തില് നിന്ന് ദോഹ വഴി കേരളത്തിലേക്കുള്ള യാത്രകള്ക്ക് ഏറെ പ്രയോജനകരമാകുന്ന ഖത്തര് എയര്വേയ്സിന്റെ ഫിലഡല്ഫിയദോഹ സര്വീസ് 2026 ഓഗസ്റ്റ് 1 മുതല് പുനരാരംഭിക്കുമെന്ന പ്രഖ്യാപനത്തിന്റെ പശ്ചാത്തലത്തില്, ഈ ലക്ഷ്യത്തിനായി കഴിഞ്ഞ ഒരു ദശാബ്ദത്തിലേറെയായി ഓര്മ്മാ ഇന്റര്നാഷണല് നടത്തിയ പ്രവര്ത്തനങ്ങളും വിവിധ തലങ്ങളിലെ ഇടപെടലുകളും സമൂഹത്തിനും മാധ്യമങ്ങള്ക്കും മുന്നില് അവതരിപ്പിക്കുന്നതിനായി ഫിലഡല്ഫിയയില് വിപുലമായ പ്രസ് മീറ്റ് സംഘടിപ്പിച്ചു.
ഫിലഡല്ഫിയ, ന്യൂജഴ്സി, ഡെലവെയര് മേഖലകളിലെ പ്രമുഖ മലയാളം ടെലിവിഷന്, പത്ര, ഓണ്ലൈന് മാധ്യമ പ്രതിനിധികള്, വിവിധ മലയാളി സംഘടനകളുടെ നേതാക്കള്, സാമൂഹിക സാംസ്കാരിക പ്രവര്ത്തകര് എന്നിവര് പങ്കെടുത്ത സമ്മേളനം ഓര്മ്മാ ഇന്റര്നാഷണല് പ്രസിഡന്റ് സജി സെബാസ്റ്റ്യന് ഉദ്ഘാടനം ചെയ്തു.
ജോസ് തോമസ് (ചെയര്, ഓര്മ്മാ ടാലന്റ് പ്രൊമോഷന് ഫോറം) പരിപാടി പരിചയപ്പെടുത്തി. തുടര്ന്ന് ഓര്മ്മാ ഇന്റര്നാഷണല് ട്രസ്റ്റി ബോര്ഡ് ചെയര് ജോസ് ആറ്റുപുറവും, പബ്ലിക് അഫയേഴ്സ് ഫോറം ചെയര് വിന്സെന്റ് ഇമ്മാനുവേലും സമ്മേളനത്തില് പങ്കെടുത്ത വിശിഷ്ടാതിഥികളെയും വിവിധ സംഘടനാ പ്രതിനിധികളെയും മാധ്യമപ്രവര്ത്തകരെയും പരിചയപ്പെടുത്തി. തുടര്ന്ന് വിന്സെന്റ് ഇമ്മാനുവേല് 2015 മുതല് ഫിലഡല്ഫിയയില് നിന്ന് കേരളത്തിലേക്കുള്ള മികച്ച വിമാനസൗകര്യം യാഥാര്ഥ്യമാക്കുന്നതിനായി ഓര്മ്മാ ഇന്റര്നാഷണല് നടത്തിയ വിവിധ ഇടപെടലുകളെക്കുറിച്ചും വിമാനത്താവള അധികൃതരുമായും ജനപ്രതിനിധികളുമായും വിമാനക്കമ്പനികളുമായും നടത്തിയ തുടര്ച്ചയായ ആശയവിനിമയങ്ങളെക്കുറിച്ചും വിശദീകരിച്ചു.
ഓര്മ്മാ ഇന്റര്നാഷണല് പി.ആര്.ഒ മെര്ളിന് മേരി അഗസ്റ്റിന് അവതരിപ്പിച്ച പ്രത്യേക റിപ്പോര്ട്ടില്, ഫിലഡല്ഫിയڊകേരള വിമാനസൗകര്യത്തിനായി സംഘടന നടത്തിയ പ്രവര്ത്തനങ്ങളുടെ സമഗ്ര ചരിത്രം അവതരിപ്പിച്ചു.
2015 മുതല് വിന്സെന്റ് ഇമ്മാനുവേലിന്റെ നേതൃത്വത്തില് ഫിലഡല്ഫിയ അന്താരാഷ്ട്ര വിമാനത്താവള അധികൃതരുമായി നിരവധി കൂടിക്കാഴ്ചകള് സംഘടിപ്പിച്ചതായും, ഫിലഡല്ഫിയ സിറ്റി മേയറുടെയും മറ്റ് ഭരണനേതൃത്വത്തിന്റെയും സഹകരണത്തോടെ ഇന്ത്യയിലെ കേന്ദ്ര മന്ത്രിമാര്ക്കും വിവിധ അന്താരാഷ്ട്ര വിമാനക്കമ്പനികള്ക്കും ഔദ്യോഗിക നിവേദനങ്ങള് സമര്പ്പിച്ചതായും, സമൂഹത്തിന്റെ യാത്രാ ആവശ്യകതകള് സംബന്ധിച്ച വിവരശേഖരണം നടത്തി വിമാനത്താവള അധികൃതരുമായി നിരന്തരം ആശയവിനിമയം നടത്തിയതായും റിപ്പോര്ട്ടില് വിശദീകരിച്ചു.
ഫിലഡല്ഫിയ വിമാനത്താവളത്തിലെ ഉന്നത ഉദ്യോഗസ്ഥരുമായി നടത്തിയ ചര്ച്ചകള്, സമൂഹത്തിന്റെ ആവശ്യകതകള് സംബന്ധിച്ച വിശദമായ അവതരണങ്ങള്, വിമാനസര്വീസ് വികസനവുമായി ബന്ധപ്പെട്ട പ്രത്യേക ഉപദേശക സമിതിയില് ഇന്ത്യന്മലയാളി സമൂഹത്തിന്റെ പ്രതിനിധിയെ ഉള്പ്പെടുത്തിയ നടപടി, വിവിധ ജനപ്രതിനിധികളുടെയും ഭരണനേതൃത്വത്തിന്റെയും പിന്തുണ ഉറപ്പാക്കിയത് തുടങ്ങിയ സുപ്രധാന ഇടപെടലുകളും റിപ്പോര്ട്ടില് വിശദമായി അവതരിപ്പിച്ചു.
ഈ പ്രഖ്യാപനത്തിന്റെ പൂര്ണ്ണമായ അംഗീകാരം ഒരു വ്യക്തിക്കോ സംഘടനയ്ക്കോ മാത്രം അവകാശപ്പെടാനാവില്ലെന്നും, ഫിലഡല്ഫിയയില് നിന്നുള്ള കേരള വിമാനസര്വീസിന്റെ ആവശ്യകത വിവിധ അധികാരകേന്ദ്രങ്ങളില് തുടര്ച്ചയായി ഉന്നയിക്കുകയും, സമൂഹത്തിന്റെ ശബ്ദം വിമാനത്താവള അധികൃതരിലേക്കും വിമാനക്കമ്പനികളിലേക്കും നയരൂപീകരണ കേന്ദ്രങ്ങളിലേക്കും എത്തിക്കുന്നതില് ഓര്മ്മാ ഇന്റര്നാഷണല് സജീവവും ശ്രദ്ധേയവുമായ പങ്കുവഹിച്ചിട്ടുണ്ടെന്നും സംഘടന വ്യക്തമാക്കി.
സമ്മേളനത്തില് സംസാരിച്ച വിവിധ സംഘടനാ നേതാക്കള് ഖത്തര് എയര്വേയ്സിന്റെ ഫിലഡല്ഫിയ സര്വീസ് പുനരാരംഭിക്കുന്നത് പെന്സില്വേനിയ, ന്യൂജഴ്സി, ഡെലവെയര് മേഖലകളിലെ ആയിരക്കണക്കിന് മലയാളി കുടുംബങ്ങള്ക്ക് വലിയ അനുഗ്രഹമാണെന്നും, ഭാവിയില് കേരളത്തിലേക്കും ഇന്ത്യയിലെ മറ്റ് പ്രധാന നഗരങ്ങളിലേക്കും കൂടുതല് സൗകര്യപ്രദമായ വിമാനബന്ധങ്ങള് യാഥാര്ഥ്യമാക്കുന്നതിനുള്ള കൂട്ടായ പ്രവര്ത്തനങ്ങള് തുടരുമെന്നും അഭിപ്രായപ്പെട്ടു.
പ്രസ് മീറ്റില് ഓര്മ്മാ ഇന്റര്നാഷണല് ട്രസ്റ്റി ബോര്ഡ് ചെയര് ജോസ് ആറ്റുപുറം, പബ്ലിക് അഫയേഴ്സ് ഫോറം ചെയര് വിന്സെന്റ് ഇമ്മാനുവേല്, ഓര്മ്മാ ഇന്റര്നാഷണല് പ്രസിഡന്റ് സജി സെബാസ്റ്റ്യന്, ടാലന്റ് പ്രൊമോഷന് ഫോറം ചെയര് ജോസ് തോമസ്, ഫിലഡല്ഫിയ പോലീസ് സര്ജന്റും ഓര്മ്മാ ഫിലഡല്ഫിയ വൈസ് പ്രസിഡന്റുമായ ബ്ലെസണ് മാത്യു, ഫോമാ വൈസ് പ്രസിഡന്റ് ഷാലു പുന്നൂസ്, ഡബ്ല്യു.എം.സി ഫിലഡല്ഫിയ പ്രൊവിന്സ് പ്രസിഡന്റ് നൈനാന് മത്തായി, ഡബ്ല്യു.എം.സി ഫിലഡല്ഫിയ സെക്രട്ടറി ലൂക്കോസ് മാത്യു, ഡബ്ല്യു.എം.സി വൈസ് ചെയര് ജെയിംസ് പീറ്റര്, ഓര്മ്മാ ഫിലഡല്ഫിയ ചാപ്റ്റര് പ്രസിഡന്റ് ഷൈലാ രാജന്, ഡബ്ല്യു.എം. സി ഫിലഡല്ഫിയ ചെയര്പേഴ്സണ് അജി പണിക്കര്, ഫിലഡല്ഫിയ സിറ്റി കമ്മീഷണര് മാത്യു തരകന്, പമ്പ പ്രസിഡന്റ് അലക്സ് തോമസ്, തോമസ് പോള്, ജോയ് തട്ടാര്കുന്നേല്, സാറ ഐപ്പ്, ലൈല മാത്യു, കോട്ടയം അസോസിയേഷന് പ്രതിനിധി ജീമോന് ജോര്ജ്, ഏഷ്യാനെറ്റ് പ്രതിനിധിയും ഓര്മ്മാ വിഷ്വല് മീഡിയ കോര്ഡിനേറ്ററുമായ അരുണ് കോവാട്ട്, ഓര്മ്മാ ട്രഷറര് റോഷന് പ്ലാമൂട്ടില്, ജോ തോമസ്, ഫ്രാന്സിസ് പടയാട്ടി, രാജു പടയാട്ടില്, സണ്ണി പടയാട്ടി, ജോര്ജ് പനയ്ക്കല്, ജോര്ജുകുട്ടി അമ്പാട്ട്, ജേക്കബ് കോര, ഓര്മ്മാ ഫിലഡല്ഫിയ വൈസ് പ്രസിഡന്റ് സെബിന് സെബാസ്റ്റ്യന്, ജോണ് പണിക്കര്, പോള് തെക്കുംതല, ഷാജി (മയൂര), ഫിലിപ്പോസ് ചെറിയാന്, മാനുവല് തോമസ് എന്നിവര് ഉള്പ്പെടെ വിവിധ മലയാളി സംഘടനകളുടെ നേതാക്കളും പ്രതിനിധികളും പങ്കെടുത്തു.
പ്രമുഖ മലയാളം ടെലിവിഷന് ചാനലുകളുടെയും ഓണ്ലൈന് മാധ്യമങ്ങളുടെയും പത്രമാധ്യമങ്ങളുടെയും പ്രതിനിധികള് സമ്മേളനം വിശദമായി റിപ്പോര്ട്ട് ചെയ്തു.
ഓര്മ്മാ ഇന്റര്നാഷണല് പി.ആര്.ഒ മെര്ളിന് മേരി അഗസ്റ്റിന് നന്ദി പറഞ്ഞു.
