Times of American Malayali
Back to Home
ന്യൂയോര്ക്: മലങ്കര മാര്ത്തോമ്മാ സുറിയാനി സഭയുടെ ആഭിമുഖ്യത്തില് 21 ഞായറാഴ്ച സഭാ ദിനമായി ആചരിച്ചു. സഭയുടെ പരമാധ്യക്ഷന് ഡോ. തിയോഡോഷ്യസ് മാര്ത്തോമ്മാ മെത്രാപ്പോലീത്ത നല്കിയ 170-ാം നമ്പര് സര്ക്കുലര് പ്രകാരമാണ് നോര്ത്ത് അമേരിക്ക കാനഡ മാര്ത്തോമ്മാ ഭദ്രാസനത്തിലെ ഇടവകകളില് ക്രമീകരണങ്ങള് നടത്തിയത്.
ഭാരതത്തിന്റെ അപ്പസ്തോലനായ വിശുദ്ധ തോമാശ്ലീഹായെ സ്മരിക്കുന്നതിനും സഭയുടെ വിവിധ ശുശ്രൂഷകള്ക്കായി പ്രാര്ത്ഥിക്കുന്നതിനുമായാണ് ഈ ദിനം നീക്കിവെച്ചിരിക്കുന്നത്.
സഭ ക്രിസ്തുവിന്റെ മാര്ഗ്ഗം എന്നതായിരുന്നു ഈ വര്ഷത്തെ സഭാ ദിന പ്രമേയം.
എല്ലാ ഇടവകകളിലും വിശുദ്ധ കുര്ബാനയും പ്രത്യേക പ്രാര്ത്ഥനകളും നടന്നു. അയല് ഇടവകകളുമായി ചേര്ന്ന് സംയുക്ത ആരാധനകളും ധ്യാനയോഗങ്ങളും ഈ ദിനത്തില് സംഘടിപ്പിക്കപ്പെട്ടു.
സഭാ ദിനത്തിലെ ആരാധനയില് ലഭിച്ച സ്തോത്രകാഴ്ചകള് സഭയുടെڅസെന്റ് തോമസ് എപ്പിസ്കോപ്പല് ഫണ്ടിലേക്ക്چമാറ്റിവെച്ചു.
ക്രിസ്തുവിന്റെയും ക്രൂശിന്റെയും വഴിയില് സഞ്ചരിക്കുന്ന ഉന്മേഷദായകമായ ഒരു സഭയായി വളരാന് ഈ ദിനാചരണം വിശ്വാസികളെ ആഹ്വാനം ചെയ്തു. ദൗത്യമേഖലകളില് പുതുവീക്ഷണത്തോടെ വിശ്വസ്തരായ കാര്യവിചാരകരായി സേവനംചെയ്യാന് പരിശുദ്ധാത്മാവ് ശക്തിപ്പെടുത്തട്ടെ എന്ന പ്രാര്ത്ഥനയോടെ സഭാ ദിനാചരണം സമാപിച്ചു.
