മോഹന്‍ലാലിന്‍റെ കിലുക്കംچഷോ മാറ്റി വെച്ചു; ടിക്കറ്റ് എടുത്തവര്‍ക്ക് ആവശ്യമെങ്കില്‍ പണം തിരികെ നല്‍കും

ന്യൂജെഴ്സി: അപ്രതീക്ഷിതമായുണ്ടായ ചില സാങ്കേതിക തടസ്സങ്ങള്‍ മൂലം, ഈ വര്‍ഷം സെപ്തംബര്‍ 1ന് നടത്താനിരുന്ന മോഹല്‍ലാല്‍ ഷോ കിലുക്കം 2025 മാറ്റി വെയ്ക്കാന്‍ സംഘാടകര്‍ നിര്‍ബ്ബന്ധിതരാകുകയും, പ്രസ്തുത ഷോ 2026 ആദ്യ പാദത്തിലേക്ക് മാറ്റി വെച്ചതായും പ്രോഗ്രാമിന്‍റെ നാഷണല്‍ സ്പോണ്‍സറായ വിന്‍ഡ്സര്‍ എന്‍റര്‍ടൈന്‍മെന്‍റ് അറിയിച്ചു. 2025ല്‍ തന്നെ ഷോയുടെ ആതിഥേയത്വം വഹിക്കാന്‍ പ്രമോട്ടര്‍മാര്‍ ആത്മാര്‍ത്ഥമായി ആഗ്രഹിച്ചിരുന്നെങ്കിലും, അവരുടെ നിയന്ത്രണത്തിന് അതീതമായ ചില ഘടകങ്ങള്‍ കാരണം ഷെഡ്യൂള്‍ പുനക്രമീകരിക്കേണ്ടി വന്നു. ഈ മാറ്റം ഉണ്ടാക്കിയ അസൗകര്യത്തില്‍ പ്രമോട്ടര്‍മാര്‍ ഖേദിക്കുന്നു, ആത്മാര്‍ത്ഥമായി ക്ഷമ ചോദിക്കുന്നു. 2026 ആദ്യ പാദത്തിലേക്ക് ഈ പരിപാടി നടത്താന്‍ റീഷെഡ്യൂള്‍ ചെയ്തിരിക്കുന്നതായി സംഘാടകര്‍ അറിയിച്ചു. മോഹന്‍ലാലിനും സംഘത്തിനും വിസ ലഭിച്ചാലുടന്‍, പുതിയ ഷോ തീയതി ഔദ്യോഗികമായി അടുത്ത മാസം തന്നെ പ്രഖ്യാപിക്കും.

അതേസമയം, ന്യൂജേഴ്സിയില്‍ നടത്താനിരുന്ന ഈ പരിപാടിക്ക് മുന്‍കൂര്‍ ടിക്കറ്റ് എടുത്തവര്‍ക്ക് അതേ ടിക്കറ്റില്‍ അതേ നിരക്കില്‍ തന്നെ 2026ല്‍ നടത്തുന്ന ഷോയില്‍ പങ്കെടുക്കാമെന്ന് ന്യൂജെഴ്സി പ്രൊമോട്ടര്‍മാരായ ബൈജു വര്‍ഗീസും (914 3491559) ഷിജോ പൗലോസും (201 238 9654) അറിയിച്ചു. ഏതെങ്കിലും കാരണവശാല്‍ പണം തിരികെ വേണ്ടവര്‍ ബൈജു വര്‍ഗീസിനെയോ ഷിജോ പൗലോസിനെയോ നേരിട്ട് ബന്ധപ്പെടാം. ഷോയുമായി ബന്ധപ്പെട്ട എല്ലാ അപ്ഡേറ്റുകളും പ്രഖ്യാപനങ്ങളും ഇമെയില്‍, ഫേസ്ബുക്ക്, ഇന്‍സ്റ്റാഗ്രാം പേജുകള്‍ വഴി മാത്രം പങ്കിടുന്നതാണെന്ന് സംഘാടകര്‍ അറിയിച്ചു. കൂടുതല്‍ വിവരങ്ങള്‍ക്ക്: ബൈജു വര്‍ഗീസ് 914349 1559, ഷിജോ പൗലോസ് 201 238 9654.